АЙМАН-ШОЛПАН

Өмірбаяны

3 актілі музыкалық-драмалық пьеса.

Спектакль Қазақ мемлекеттік драма театры (Алма-Ата) жанындағы музыкалық студия әртістерінің күшімен, Иван Коцык өңдеген халық биінің әуендері негізінде жасалды. Либреттосы - Мұхтар Әуезов. Хореография және қойылым - Али Ардобус: «Қаражорға», «Келіншек» билері, бақсы биі, «Өзбек биі» және «Шансоньетка» концерттік нөмірі. Дәстүрлі «Қоян-бүркіт» аңшылық ойынын театрландыруды балет бөлімінің меңгерушісі М.П.Арцибашева жүзеге асырды. Қоюшы-режиссерлері - Құрманбек Жандарбеков, Жұмат Шанин. Оркестрге дайындаған - Сергей Шабельский. Қоюшы-дирижер - Федор Кузьмич.

1934 жылы 13 қаңтарда Қазақ мемлекетік драмалық театр сахнасында «Айман-Шолпан» спектаклімен Қазақ музыкалық театрының (қазіргі Абай атындағы ҚазҰОБТ) шымылдығы ашылды.Ол кезде театрдың өз ғимараты болмаған.

Хореографиялық нөмірлерді орындаушылар: «Қаражорға» - С.Жәнібеков, И.Құлтаев; «Қоян-биі» - А.Идизова, М.Ходжибекова, Ж.Аукенова, У.Мұсағалиева, С.Жәнібеков; «Келіншек» - В.Карамысова, Е.Рамазанов, А.Имаилов; «Өзбек биі» - А.Исмайылов; «Шансоньетка» - Е.Лифанова.

Пьеса нақты тарихи оқиғаларға негізделген әлеуметтік-тұрмыстық эпопея - Тама руынан шыққан Бай Маман мен Шекті руынан шыққан Көтібар батыр арасындағы өзара тартыс негізінде өрбиді. Айман қыз әпкесі Шолпан екеуін тұтқыннан босатып, жауласып жатқан руларды татуластырады.