"АЙША БИБІ" ФОЛЬКЛОРЛЫ-ЭНОГРАФИЯЛЫҚ БИ АНСАМБЛІ

Өмірбаяны

Ансамбль Жамбыл облысы мәдениет, архивтер және құжаттама басқармасының «К. Азербаев ат. Жамбыл областық филармониясы» МКҚК жанына 1997 жылы құрылған.

Ансамбльді құрып алғашқы жетекшісі болған ҚР мәдениет қайраткері Байдаулет Сазабеков (1997-2005). Жетекшінің басқа қалаға ауысуына байланысты ұжым тек 2019 жылы жұмысын қайта бастады. Әр жылдары ансамбльді А. Н. Джусипова (2019), А. С. Конарбаева (2020) басқарды.

Ансамбль репертуары қазақ халық билері негізінде құрастырылған. Би ансамблімен Б. Сазабеков, М. Айтмаганбетовалар тығыз шығармашылық жұмыс атқаруда. Ұжым өз өнерлерін Германияда, Францияда, Израильде, Турцияда, Қрымда паш ету мүмкіндігіне ие болды. 2019 жылы шейх Заид атындағы Әбу-Дабиде (БАӘ) өткен Халықаралық мәдени фестивальге қатысты.

«Шабыт» фестивалінің Гран-При жүлдегері (2000); Қазақстан Республиксының Егемендігінің 30 жылдығына арналған Республикалық «Әлем халықтарының биі» онлайн-фестивалінің дипломанты (2021, Семей қ.), «Хабар» телеарнасы өткізген «Жеті Қазына» мега-жобасының Гран-При жүлдегері (2022).