ӘУБӘКІРОВ Жандос Болатұлы

Өмірбаяны

(20.04.1985, Жамбыл қ.) - балет әртісі, педагог-хореограф. Қазақстанның еңбек сіңірген қайраткері (2011).

2004 жылы А. В. Селезнев атындағы АХУ-сін педагог А. Н. Медведевтің сыныбы бойынша бітірді. 2007 жылы Ла Скала театрында (Милан, Италия) тағылымдамадан өтті.

2004-2014 - К. Байсейітова атындағы ҰОБТ-ның жетекші солисті.

2014-2017 - «Астана Опера» театрының жетекші солисі. Репертуары: Зигфрид («Аққу көлі»), Феб («Эсмеральда»), Альберт («Жизель»), Солор («Баядерка»), Базиль («Дон Кихот»), Конрад («Корсар»), Ханзада («Щелкунчик»), Бозбала («Шопениана»), Қалқаман («Қалқаман-Мамыр» Опера-балеті), Франц («Коппелия»), Гирей («Бахчисарай фонтаны»), Феб («Париж Құдай Анасының соборы»), Дезире («Ұйқыдағы ару») және т. б.

2018 жылдан бастап оқытушылық және қойылымдық қызметпен айналысады.

2018-2021 - «Aim» би және шығармашылық даму студиясында хореограф және классикалық би оқытушысы; шақыру бойынша мәнерлеп сырғанаудан ұлттық құраманың хореографы, сондай-ақ мәнерлеп сырғанаудан «Art Skate» жеке клубында жұмыс істеді. «Andres» модельдік агенттігінде модель болып жұмыс істеді; «Махаббат жағалау» (2008) және «Бақыт құсы» (2011) фильмдерінде басты рөлдерде, «Берілме» («Не сдавайся» 2019) телехикаясында ойнады.

2019 жылдан бастап, кәсіпкерлік қызметпен қатар айналысады.

Марапаттары: «Шабыт» халықаралық шығармашылық жастар фестивалінің лауреаты (2004); Қазақстан Республикасы Тұңғыш Президенті Қорының мәдениет және өнер саласындағы стипендиаты (2006); «Рим сыйлығы» Халықаралық балет байқауының қазылар алқасы төрағасы М. М. Плисецкаяның арнайы жүлдесінің иегері (2007); «Өнер және Мәдениет» классикалық балет репертуарының жоғары орындаушылық шеберлігі үшін номинациясы бойынша ҚР Тұңғыш Президенті Қоры сыйлығының лауреаты (2009).