ҚАЗАҚСТАН РЕСПУБЛИКАСЫ ҚАРУЛЫ КҮШТЕРІНІҢ ҰЛТТЫҚ ӘСКЕРИ-ПАТРИОТТЫҚ ОРТАЛЫҒЫ РММ ОРТАЛЫҚ АНСАМБЛЬ БӨЛІМШЕСІ

Өмірбаяны

Шығармашылық ұжым өз тарихын 1969 жылы КСРО Қорғаныс министрлігінің бұйрығымен құрылған Орта Азия әскери округінің бұрынғы 40 армиясының 27-ші концерттік ән және би ансамблінен бастайды. 1970 жылдың сәуірінде Орта Азия әскери округінің ән және би ансамблі құрылады (SAVO). Көркемдік жетекші болып, ҚазКСР еңбек сіңірген әртісі Яков Вовчук, Мәскеу консерваториясының әскери-дирижерлік факультетінің түлегі ҚазКСР еңбек сіңірген әртісі, майор Роман Козак сайланды.

Ансамбль жұмыс істеген кезеңдердекөркемдік жетекшілер мен бас дирижерлер: ҚазКСР-нің еңбек сіңірген әртісі В. П. Фоменков, ҚазКСР-нің еңбек сіңірген әртісі Р.М. Козак және т. б. Музыкалық жетекші, хормейстер -ҚазКСР-нің еңбек сіңірген әртісі Ю. В. Колчин, балетмейстер - Тәжік КСР-нің еңбек сіңірген әртісі Яков Вовчук. Сол кезеңде Яков Вовчук пен Марк Вайнштейн штаттық балетмейстер болып қызмет етті, сонымен қатар басқа да би қоюшылар шақырылады. Ансамбль барлық үкіметтік концерттерге қатысты. Орталық ансамбльдің бастауында тұрған би тобы оның ажырамас бөлігі болды, оның репертуарына халық билері мен қазіргі заманғы хореография кірді, бірақ басты назар әскери билерге аударылды.

ҚР Тәуелсіз мемлекет ретінде қалыптасу кезеңінде ансамбль айтарлықтай өзгерістерге ұшырады. 1991 жылы Ауғанстаннан 40-әскер шығарылды. 40-шы армияның концерттік ансамблі негізінде 27-ші концерттік ән және би ансамблі құрылды (ҚР Қорғаныс министрінің 02.01.1991) жылғы № 21/1/0050 Директивасы). 27-ші концерттік ансамбльдің қызметі ұзаққа созылмады (ҚР Қорғаныс министрлігінің Орталық ансамблі 1992 жылғы 14 желтоқсанда № 1053 Министрлер Кабинетінің қаулысы). 2000 жылғы 29 желтоқсанда № 1941 «Патриоттық орталықтың жанынан Қазақстан Республикасы Қорғаныс министрлігінің Орталық ансамблі мемлекеттік мекемесін құру туралы» ҚР Үкіметінің Қаулысымен қайта құрылды.

Ансамбльдің бастығы болып Чайковский атындағы Мәскеу консерваториясының түлегі, аға лейтенант Юрий Бондаренко тағайындалды. Бірнеше жыл бойы ансамбльдің жетекшісі және бас балетмейстері ҚазКСР еңбек сіңірген әртісі Александр Пожарников болды. Алғашқы концерт 1992 жылдың 22 ақпанында берілді.

2012 жылғы 25 қаңтарда ҚР Қорғаныс министрінің Директивасына сәйкес ансамбль Астанаға көшірілді, ал 2015 жылғы желтоқсанда ҚР ҚМ Орталық әскери оркестрі, ҚР ҚК әскери-патриоттық орталығының Ұлттық әскери орталық оркестр болып қайта құрылды. 2003-2008 жылдары - бас балетмейстер, аға сержант Нұрлан Жұмалиев; 2012-2015 жылдары - бас балетмейстер, лейтенант Медет Тілеуханов; 2016-2023 жылдары - көркемдік жетекші, майор М.Тілеуханов. 2023 жылдың 01 тамызынан бастап топ бастығы — ҚР ҚК АӘДО ОА би тобының көркемдік жетекшісі, кіші сержант Әлішер Мұхатаев.

Ансамбль еліміздің барлық мемлекеттік салтанатты және мерекелік іс-шараларына тұрақты түрде қатысады. Жастардың «Айбын» әскери-патриоттық жиыны, Халықаралық «Армия ойындары», «Алтын үкі», «KADEX» сияқты республикалық және халықаралық маңызы бар түрлі байқаулар мен фестивальдерге қатысады, «Әскер медиа» әскери журналистика саласындағы сыйлықты тапсыру салтанатына, ҰҚШҰ шеңберінде және «АрМИ» Халықаралық армия ойындарының барлық концерттік іс-шараларына қатысады. Ансамбль «Жас-Сарбаз», «Сахна сарбазы» және «Әскер тарланы» сияқты маңызды іс-шаралар өткізеді.

Алматыда осы ансамбльдің филиалы ретінде 2014 жылдан бастап ҚР ҚМ ҚК Әскери-патриоттық орталығының эстрадалық-би тобы жұмыс істейді. Топ ҚР ҚМ Орталық ансамблінің әскери-патриоттық орталығымен бірлескен үлкен концерттерге қатысады. Репетитор - Тойлыбаева Сандуғаш.