БЕКЕТАЕВА Әйгерім Болатбекқызы

Өмірбаяны

(20.07.1991, Талдықорған қ.) - балет әртісі. Қазақстанның еңбек сіңірген қайраткері (2017); Қазақстан Республикасының Тұңғыш Президенті - Елбасы Қоры сыйлығының лауреаты (2014); мәдениет саласындағы мемлекеттік стипендияның лауреаты (2022). Халықаралық балет әртістері байқауларының лауреаты: «Шабыт» халықаралық шығармашылық жастар фестивалінің Гран-приі ( Астана, 2012); ВАРНАДАҒЫ Халықаралық балет әртістері байқауының III-сыйлығының лауреаты (Болгария, 2012); «Юрий Григоровичтің жас балеті» байқауының дипломанты (Сочи, 2012); Халықаралық Рудольф Нуреев атындағы балет әртістері байқауының III-сыйлығының лауреаты. (Будапешт, 2013); «Мәскеу балет әртістері мен хореографтар байқауының» дипломанты (2013); «Сібір Гран-приі» Халықаралық балет әртістері байқауының II-сыйлығының лауреаты (Краснояр, 2014).

2010 - А. В. Селезнев атындағы АХУ-сін Г.Ж. Алиеваның сыныбы бойынша бітірді.

2015 - Челябинск мемлекеттік педагогикалық университетін «Педагог-хореограф» мамандығы бойынша бітірген.

2010-2013 - К. Байсейітова атындағы ҰОБТ-ның балет әртісі.

2013 жылдан - «Астана Опера» МОБТ-ның жетекші солисі.

Б.Эйфманның Санкт-Петербург мемлекеттік академиялық балет театрының шақырылған солисті.

«Астана Опера» театрының репертуарындағы барлық классикалық балеттердің жетекші партиялары мен қатар заманауи және ұлттық би билейді.

Репертуары: Аврора, Көк құс («Ұйқыдағы ару»); Камилла (Б. Эйфманның «Роден» балеті); Джульетта («Ромео мен Джульетта»); Одетта-Одиллия («Аққу көлі»); Фригия, Эгина («Спартак»); Мари («Щелкунчик»); Зарема («Бахчисарай бұрқағы»); Никия, Гамзатти («Баядерка»); Эсмеральда («Париж құдай анасыныңсоборы» М.Жарра); Китри («Дон Кихот»); Манон («Манон», Дж. Массненің музыкасына); Флер де Лис (Ц. Пуни, «Эсмеральда»); солист (Л. Минкус пен Э. Дельдевестің «Пахита»); Медора (А. Аданның «Корсар»); Жастық шақ («Қазіргі сәт қанша уақытқа созылады?», Р. Ребек); Жетінші вальс («Шопениана». Ф.Шопен); Жизель («Жизель» А. Адан); Сванильда («Коппелия» Л. Делиб); Өлмейтін Махаббат («Бетховен - Мәңгілік - Махаббат»); Золушка («Золушка»); Муза («Дала Шақырады», «Зов степей»), Зобейда («Шехеразада»).

Марапаттары: «Үздік балет әртісі» номинациясы бойынша «Сахнагер-2019» ұлттық театр сыйлығының лауреаты; «Достастық Дебюттер» ТМД жастар сыйлығының лауреаты (2019); «Theatre All» Халықаралық театр фестивалінің дипломы (Нұр-Сұлтан, 2021); «Үздік балет әртісі» номинациясы бойынша; «Қазақстан Республикасының тәуелсіздігінің 30 жылдығы» мерейтойлық медалі (Нұр-Сұлтан, 2021); Қазақстанның театр сыншыларының бірлестігінің «Жыл солисі» номинациясының жеңімпазы (2022).