ДЖАНТАЕВ Болат Михайлұлы

Өмірбаяны

ДЖАНТАЕВ Болат Михайлұлы (Умалатұлы) (25.05.1947, Алматы қ.-18.06.2007, Алматы қ.) - педагог. Қазақстанның еңбек сіңірген қайраткері (2006).

1959-1965 - Мәскеу академиялық хореографиялық училищесінің оқушысы, педагогтар: А.М. Руденко, З.А.Лапчинская.

1970-1975 - С. М. Киров атындағы Қазақ мемлекеттік университетінің Заң факультетінің студенті.

1965-1968 - Абай атындағы мемлекеттік академиялық опера және балет театрының солисі.

1968-1975 - Б.Г.Аюхановтың жетекшілігімен «Алматы жас балеті» ансамблінде жұмыс істеді.

Қазақстанда жоғары хореографиялық білім берудің қалыптасуының бастауында тұрды. 1994 жылы А.В.Селезнев атындағы Алматы хореографиялық училищесінің базасында, кейіннен Т. Қ. Жүргенов атындағы Қазақ ұлттық өнер академиясының құрамына хореография факультеті ретінде кірген жоғары Хореография мектебін құрды.

1998 жылы Қазақстан хореографтар одағын құрып, оны 2006 жылға дейін басқарды.

1989-1998; 2005-2006 - А.В. Селезнев атындағы Алматы хореографиялық училищесінің директоры.

А. В. Селезнев атындағы Халықаралық байқаулар мен фестивальдерді ұйымдастырушы: «Дәстүр сыйлығы» және т. б.