ЕР МЕН ӘЙЕЛ

Өмірбаяны

Бір актілі балет.

Композитор - Артур Онеггер, «Әлем ойындары туралы аңыздар» драмалық спектакліне арналған музыка. Либреттосы, хореография және қойылымы - Зауырбек Райбаев. Қоюшы-суретші - Владимир Арефьев (Днепропетровск, Украина). Қоюшы-дирижер - Валерий Руттер.

Премьерасы 1979 жылы Абай атындағы Мемлекеттік академиялық опера және балет театрының сахнасында өтті.

Кейіпкерлер мен орындаушылар: Ер адам - Рамазан Бапов, Ерболат Асылғазинов, Анатолий Семёнов, Мұрат Адырхаев; Әйел - Майра Қадырова, Гүлжан Туткибаева, Мансия Қарақұлова, Людмила Макарцева; Өлім - Мансия Қарақұлова, Гүлнара Әлиева, Лейла Ақылбекова, Людмила Ли; қыздар мен жігіттер - балет әртістері.

Ер мен әйел өздерінің табиғатына сай бір-бірінен бөлек өмір сүре алмайтын қарым-қатынасын философиялық тұрғыдан түсінудің пластикалық көрінісі. Басынан өткерген қиындықтан күйзелген Ер адамның монологы терең психологизмге негізделген.