ЕСЕКЕЕВ Әбдірақұл Нәжімадинұлы

Өмірбаяны

(08.06.1973 ж., Шалқар ауданы, Ақтөбе облысы) - биші, хореограф. «Құрмет» орденінің иегері (2018 ж.).

1988-1991жж. - Орынбор мәдениет училищесінің хореография бөлімінде оқыған , педагогы Н.А.Афанасьев;

1997-2001жж. - М.Әуезов атындағы Оңтүстік Қазақстан мемлекеттік университетін бітірген.

1990-2006жж. - «Салтанат» Мемлекеттік би ансамблінің балет әртісі.

2007 жылы Астана қаласы әкімдігінің мемлекеттік филармониясының жанынан «Шалқыма» халық би ансамблін ұйымдастырды және оның тұрақты басшысы.

«Шалқыма» ансамблінің шығармашылық тұжырымдамасы қазақ биінің мұрасын сақтау және әлем халықтарының би мәдениетін дәріптеу болып табылады. Оның қойылымдары үлкен жетістікке жетті: «Қос алқа» (музыкасы Дәулеткерей); «Шаттық» (музыкасы Т.Ізтаев); «Секирмек, тик тұрмас» татар биі (музыкасы О.Юлтаев); «Орыс хороводы» (музыкасы Д.Иванов); «Япурай» (халық әні); башқұрт биі «Зәрипа» (музыкасы халықтікі). А.Есекеев «Дайдидау» халық әуеніне қойған «Аққу» хореографиялық миниатюрасы Мәскеу мемлекеттік академиялық «Гжель» би ансамблінің репертуарына енді (2018 ж.). Шымкент опера және балет театрында Т.Жармұхамет «Домалақ Ана» операсының қоюшы-балетмейстері (Шымкент қ., 2018ж.).

А.Есекеевтің жетекшілігімен «Шалқыма» ансамблі көптеген жақын және алыс шетелдерде: Ресей Федерациясы (Мәскеу, Санкт-Петербург), Башқұртстан (Нефтекамск, Уфа), Ауғанстан (Кабул, Кандагар), Корея, Германия (Мюнхен, Битбург, Франкфурт, Берлин), Қытай (Шанхай, Пекин), Түркия (Анкара қ., Стамбул, Измир, Адана), Франция (Париж), Оман елінде өнер көрсетті.

Марапаттары: Ш.Жиенқұлова атындағы ІІ Республикалық қазақ би байқауының лауреаты (2001 ж.); «ҚР Мәдениет қайраткері» белгісі (2003 ж.); Мәскеу мемлекеттік академиялық «Гжель» би театрында «Халық би платформасы» бойынша өткен I Бүкілресейлік балетмейстерлік жұмыстар» байқауының лауреаты (2017 ж.); Хореографиялық жұмыстардың «GOBENDANCE» байқауының лауреаты («Годенко билейміз!» 2018ж.).