ГОНЧАРОВА (Карбоинова) Наталья Львовна

Өмірбаяны

27.04.1947 ж., Борзин ауданы, Чита облысы Ресей Федерациясы).

Балет әртісі, педагог. Қазақ КСР еңбек сіңірген әртісі (1982 ж.), доцент (2006 ж.).

1958-1966 - А.В.Селезнев атындағы Алматы хореография училищесін «Балет әртісі» мамандығы бойынша Б.Аюханов сыныбында оқып бітірді;

1994-1997 - Т.Жүргенов атындағы Қазақ мемлекеттік театр және кино институтын «Педагог-хореограф» мамандығы бойынша бітірген, педагогтары: К.М.Жақыпова, С.А.Наурызбаева, Р.М.Курпешова, О.Б.Шубладзе;

1999 - А.Я.Ваганова атындағы Орыс балет академиясында «Классикалық және тарихи - тұрмыстық бидің педагог-хореографы» бойынша біліктілікті арттыру курстарынан өтті.

1965-1967 - Абай атындағы Мемлекеттік академиялық опера және балет театрының балет солисі;

1967-1985 жж. - «Алматының жас балеті» классикалық би ансамблінің жетекші солисі. Орындаған партиялары: рas-de-deux («Жизель» А.Адан, хореографиясы Ж.Коралли мен Ж.Перро екінші актіден); Кармен («Кармен-сюита» Дж.Бизе - Р.Щедрин, хореографиясы Б.Аюханов); Офелия, Гертруда (А.Исаков «Гамлет», хореографиясы Б.Аюханов); Дүрия («Қыз-Жібек», музыкасы Е.Брусиловский және т.б., Б.Аюхановтың қойылымдары); Сұлулық («Адасқан ұл» С.Прокофьев, қойылымы М.Е.Мурдмаа); рas-de-quatre (музыкасы Ц.Пуни, қоюшы - Н.Дудинская); «Пахита» балетіндегі басты рөл (Э.Дельдевес, қоюшы Н.Долгушин); Бланш («Құмар ойыншы» С.Прокофьев, қоюшы Б. Мягков); классикалық балеттерден және заманауи композиторлардың музыкасына арналған концерттік нөмірлерден рas-de-deux.

1987 жылдан А.В.Селезнев атындағы Алматы хореографиялық училищесінің классикалық би педагогы. Түлектер арасында Абай атындағы Мемлекеттік академиялық опера және балет театры, К.Байсейітова атындағы Ұлттық балет театры, сондай-ақ Мәскеу, Санкт-Петербург және алыс шетелдердің балет труппаларының жетекші солистері бар: Қазақстан Республикасы еңбек сіңірген қайраткері Г.Құрманғожаева Лозанна қаласындағы (Швейцария 1998 ж.), Варнадағы (Болгария 1998 ж.) балет конкурстарының дипломанты, «Шабыт» шығармашыл жастардың халықаралық фестиваль-байқауының Гран-при жүлдегері.

1999-2000 - Ж.Станлованың балет мектебінің классикалық би педагогы, (Париж, Франция);

1998-1999 - А.В.Селезнев атындағы Алматы хореография училищесінің көркемдік жетекшісі;

2001 жылдан - Т.Жүргенов атындағы Қазақ ұлттық өнер академиясы «Хореография» факультетінің деканы, аға оқытушысы;

2003 жылдан - театр факультетінің аға оқытушысы.

«Актерлік шеберлік» мамандығының студенттеріне арналған «Халық биінің негіздері» оқу-әдістемелік құралының (2005 ж.), республикалық және халықаралық ғылыми журналдардағы 10-нан астам ғылыми мақалалардың авторы.

Библиография

• Аюханов Б. «Мой балет» - Алма-Ата: Өнер, 1988
• Хореографы Казахстана (иллюстрированный информационный справочник (1934-2012 гг.) под общ. ред. Д.Т. Накипова. – Алматы, 2012
• Интервью май 2021 г.