Рус Qaz Eng

EURASIAN DANCE FESTIVAL ХАЛЫҚАРАЛЫҚ БАЛЕТ ӨНЕРІНІҢ ФЕСТИВАЛІ

20.10.2023  | Автор: Саитова Г.Ю., Шомаева Д.Е.

Өмірбаяны

Фестивальді Қазақстан Республикасы Мәдениет және спорт министрлігі мен балет пен ұлттық биді дамыту және қолдау Қоры құрған. Фестивальдің мақсаты - түрлі стильде жұмыс істеп, өзіндік тәсілін тапқан заманауи хореографтардың шығармалары арқылы авторлық хореографияны көрсету. Фестивальдің мақсаты мен міндеттері- классикалық және заманауи слильдеріндегі билерді насихаттау; орындаушылық шеберлікті жетілдіру, хореография өнеріне қызығушылықты арттыру; әлемнің әр түрлі хореографиялық мектептердмен таныстыру арқылы қазақстандық көрерменнің эстетикалық талғамын дамыту.

Фестиваль 3 рет өткізілді.

2017 жылғы 24-29 маусымда Астанадағы EXPO -2017 Халықаралық мамандандырылған көрмесі аясында «Астана Опера» театрының сахнасында I- Еуразиялық балет фестивалі өтті. Бағдарлама жетекшісі - Василий Медведев; кеңесші - Станислав Фечо; атқарушы директор - Жәнібек Қайыр; ресми балет сыншысы - Франкос Фарки; ресми фотограф - Жак Энист. Қатысушылар: корей балет компаниясы «Universal Ballet»; АҚШ-тан «Rock The Ballet» би тобы; «Астана Опера» Мемлекеттік опера және балет театрының балет труппасы; «Астана Балет» театры. Әлемдік балет жұлдыздары: Берлин операсының премьері Михаил Канискин және прима-балеринасы Элиза Кабрера; Корольдік Англия балетінің прима-балеринасы Яна Саленко; Үлкен театрдың премьері Семён Чудин және прима-балеринасы Ольга Смирнова; Бавария Операсының премьері Осиель Гунео.

Елорданың 20 жылдығын тойлау аясында 2018 жылғы 24-30 маусымда «Астана Балет» театрының сахнасында II Еуразиялық балет фестивалі өтті. Қоюшы режиссері - Әлішер Хасанов. II фестивальде Қытай, Испания, Словения және Қазақстанның заманауи хореографтарының жұмыстары көрсетілді: Словения ұлттық балеті (Любляна); Castro Pomero Flamenco (Мадрид, Испания); Қытай ұлттық балеті (Бейжің); Абай атындағы Мемлекеттік академиялық опера және балет театрының балет труппасы (Алматы, Қазақстан); «Астана Балет» театры. Фестивальде әлемдік балет өнерінің жұлдыздары өнер көрсетті: Американдық балет театрының премьері, Ресейдің еңбек сіңірген әртісі Иван Васильев; Солтүстік Осетия-Алания Республикасының еңбек сіңірген әртісі, Ресей Үлкен театрының прима-балеринасы Анастасия Сташкевич; Штутгарт мемлекеттік балетінің премьері Фридеман Фогель және прима балеринасы Мария Эйхвальд; Нидерландия ұлттық балетінің прима-балеринасы Майя Махатели; Португалия ұлттық балетінің премьері Карлос Пинильос пен прима-балеринасы Филиппа де Кастро; «Астана Опера» театрының премьері Б.Адамжан, жетекші солисті М.Басбаева және балет солисті Е.Рахматуллаев; «Астана Балет» театрының жетекші солистері Ф.Буриев, Р.Қанатқызы.

2019 жылғы 4-16 маусым аралығында «Астана Балет» театрында III Еуразиялық балет фестивалі өтті. Бағдарламаның директоры - Василий Медведев. Қатысушылар: Павел Вирский атындағы Украина ұлттық би ансамблі; Жапония халықаралық балет компаниясы; Мариин театрының балет тобы (Ресей); Чех ұлттық балеті; «Астана Опера» Мемлекеттік опера және балет театры балет труппасы; «Астана Балет» театры. Әлемдік балет жұлдыздары өнер көрсетті: Михайлов театрының премьері Леонид Сарафанов; «Астана Опера» театрының премьері Б.Адамжан және солисі А.Бекетаева; Берлин мемлекеттік балетінің жетекші солистері Мариан Уолтер, Эвелина Годунова және Иоланда Корреа Фриас; сондай-ақ «Астана Балет» театрының жетекші солистері А.Абильгазина, Ф.Буриев, М.Кадыркулова, И.Манаенков.

Библиография

  • I Халықаралық балет өнерінің фестивалі «EURASIAN DANCE FESTIVAL». Буклет-программа. - Астана, Казахстан. - 24.06.2017-29.06 2017. - АстанаБланкИздат.
  • II Халықаралық балет өнерінің фестивалі «EURASIAN DANCE FESTIVAL». Буклет-программа. - Астана, Казахстан. - 24.06.2018-30.06 2018. - Фонд развития и поддержки балета национального танца.
  • III Халықаралық балет өнерінің фестивалі «EURASIAN DANCE FESTIVAL». Буклет-программа. - Нур-Султан, Казахстан. - 4.06.2019-16.06 2019. - Фонд развития и поддержки балета национального танца.
  • Интервью с исполнительным директором фестиваля Ж.У.Кайыр. - 10 января 2023 г., Астана

Сілтемелер