ҚАЙНАЗАРОВА Ақмарал Елеусінқызы

28.10.2023 | Автор: Ізім Т.О

Өмірбаяны

(02.06.1970 ж., Алматы қ.) - биші, журналист, зерттеуші. Қазақстан Республикасының еңбек сіңірген қайраткері (2015 ж.), Бхаратанатьям Үнді классикалық биі бойынша өнер магистрі.

1992 ж. - Әл-Фараби атындағы Қазақ мемлекеттік университетінің журналистика факультетін бітірген.

1993-1998 жылдары «Калакшетра» бейнелеу өнері колледжінде Бхаратанатьям Үнді классикалық биін оқыды (Ченнай, Үндістан, 1993-1998).

2000 жылы Мумбай университетіндегі (Үндістан) «Наланда» би зерттеу орталығында үнді өнері бойынша сырттай курстарды аяқтады.

2009-2011 Мадрас университетінің үнді музыка факультетінде магистратурада оқыды (Ченнай, Үндістан, ).

1988 жылдан бастап «Огни Алатау» газетінің мәдениет бөлімінде (Алматы қ.) жұмыс істеп жүріп, би ұжымындағы шығармашылық қызметімен ұштастырды.

1998-2005 -Үндістан Республикасы Елшілігінің жанындағы Үнді мәдени орталығындағы Бхаратанатьям Үнді классикалық биінің хореографы және орындаушысы (Алматы қ.).

2006 жылдан бастап - Үнді классикалық би және йога орталығының (Алматы қ.) негізін қалаушы, директоры және хореографы.

Қазақстандағы үнді Бхаратанатьям классикалық биінің алғашқы кәсіби орындаушысы ретінде «Алматы-2000 Алтын кітабына», қазақстандық рекордтар кітабына (2002 ж., 2003 ж., 2005 ж., 2006 ж., 2007 ж.), ЛИМКА рекордтар кітабына (Үндістан, 2006 ж.) енді. Польша, Грузия, Испаниядағы халықаралық байқаулардың лауреаты: «Этникалық би» номинациясы бойынша «Әлем чемпионы-2003» алтын медалі және атағын; «Fiestalonia-Milenio» халықаралық байқауында «Соло» номинациясы бойынша 1 орын жеңіп алды (Грузия, 2016 ж.).

Қазақстандық және халықаралық би жобаларының авторы және ұйымдастырушысы. Қазақ, орыс және ағылшын тілдерінде Бхаратанатьям Үнді классикалық биін зерттеу бойынша Қазақстанда алғашқы білім беру бейне-жобасын шығарды (2017 ж.).

2004 жылы А.Қайназарова Париждегі ЮНЕСКО-ның Халықаралық би Кеңесінде Қазақстанның бірінші өкілі болды және Қазақстанды Грециядағы би өнері бойынша 18-ші Халықаралық ғылыми Конгреске алғаш рет таныстырды; Үндістан Үкіметінің Нью-Делидегі Мәдени қатынастар жөніндегі Үнді кеңесінің (ICCR) мүшесі болып табылады және Бхаратанатьямның кәсіби орындаушыларының құрамына кіреді.

Марапаттары: «ҚР Мәдениет қайраткері» медалі (2008 ж.), медаль «Шапағат» (2021).