КЕРУЕН

Өмірбаяны

Бір актілі балет.

Композитор - Тлес Қажғалиев. Либретто, хореография және қойылымы Болат Аюханов.

Балет 1978 жылы Болат Аюхановтың басқаруындағы ҚазССР Мемлекеттік классикалық би ансамблінің ерлер құрамы үшін қойылды.

Кейіпкерлер мен орындаушылар: Көшбасшы - Сергей Тихонов (премьерада билеген), Алексей Семьянов, Вячеслав Гончаров; Бақыт Құсы - Нұрсәуле Бигабылова.

Балет үш картинадан тұрады: «Жолда», «Шөлдеу», «Оазис». Шағын топ айдалада адасып қалады. Олардың бірі өз еркімен жолсілтеуші болуды ұйғарады. Кенет олардың алдынан Бақыт Құсы шығып, оазиске апарады.