СКИФТІК СЮИТА

13.11.2023 | Автор: Саитова Г.Ю.

Өмірбаяны

Хореографиялық миниатюра

Композитор - Сергей Прокофьев. Либретто, хореография және қойылымы -Болат Аюханов.

Премьерасы 2017 жылы өтті. Қойылым Болат Аюхановтың жетекшілігіндегі Қазақстан Республикасы Мемлекеттік академиялық балет театры (МАБТ) үшін жүзеге асырылды.

Алғашқы орындаушылар: Нонна Чичинина, Қанат Қаражанов, Сергей Тихонов.

ЖАҢА ҚОЙЫЛЫМ. Премьерасы 2021 жылы өтті. Хореографиялық миниатюралар негізінде «Скифтер. Оңтүстік түні» бір актілі балеті қойылды.

Кейіпкерлер мен орындаушылар: Скиф патшасы - Алан Шәкен; Скиф ханшайымы - Айнұр Мұқашева; Нубия ханзадасы - Мәди Қасымов.

Жеңістерден шабыттанған скиф халқы өз Патшасы мен оның сұлу қызын дәріптейді. Келесі әскери жорықтан скифтер бай олжамен және тұтқынға алынған нубиялықтармен оралады. Олардың арасында нубиялық көсемнің ұлы да бар. Скиф ханшайымы асыл текті тұтқынға ғашық болып, оңтүстік түнінде оны кездесуге шақырады. Қызын нубиялықтың құшағынан көрген әкесі ашулы.