СУШКОВ Дмитрий Валентинович

Өмірбаяны

09.07.1975 ж., Балқаш қаласы.

Балет әртісі, педагог-репетитор. Қазақстанның еңбек сіңірген қайраткері (2002 ). Тұңғыш Президент-Ұлт Көшбасшысы Н. Ә.Назарбаев Қоры сыйлығының лауреаты (2016 ж.). Қауымдастырылған профессор (өнертану доценті, 2022). The International Dance Council (CID) мүшесі – ЮНЕСКО-ның Халықаралық би кеңесі.

1985-1993 – А.В.Селезнев атындағы Алматы хореографиялық училищесінің оқушысы, педагогтары: Ұ. А. Мирсеидов, А.Т. Алишева, М. П. Адырхаев. Ұздік диплом.

Оқу жылдарында хореографиялық мектептердің халықаралық фестивальдеріне қатысты: Пермь, Ресей (1989 ж.), Минск, Беларусь (1990 ж.), А. В. Селезнев ат. ІІ Халықаралық балет әртістері байқауы дипломанты Алматы, Қазақстан (1991 ж.). Оқушылар мен Қазақстан делегациясының құрамында Швейцария, Лихтенштейн Княздігіне (1990-1991) гастрольдік турға қатысты.

1997-2001 – Т.К. Жүргенов атындағы Қазақ ұлттық өнер академиясын «Педагог-хореограф» мамандығы бойынша бітірген.

1992-2022 – Абай атындағы Қазақ мемлекеттік академиялық опера және балет театрының жетекші солисі. Бітіру сыныбының оқушысы және балет труппасының тағылымдамашысы ретінде 1992 жылы 11 желтоқсанда театр сахнасында «Щелкунчик» балетінде ханзада партиясында дебют жасады (Маша - Мария Эйхвальд, педагог-репетитор Р.Х. Байсейітова). Сол жылы, қорытынды емтихандар қарсаңында, «Аққу көлі» балетінде Зигфрид партиясын биледі. Одетта-Одилия - Мария Эйхвальд, педагог-репетитор Р. Х. Байсейітова.

Репертуары: Ханзада, Тышқан патшасы, испан биі, төрт кавалер («Щелкунчик»); Зигфрид ханзада, Ротбарт, pas de trois, тәлімгер («Аққу көлі»); Дезире Ханзада, төрт күйеу жігіт («Ұйқыдағы ару»); Альберт, Ганс («Жизель»); Конрад («Корсар» хореограф В. Владимиров); Ахмед-құл саудагері (бірінші орындау, «Корсар» хореограф В. Владимиров); Базиль, Эспада, сығандар биі, Дон-Кихот («Дон-Кихот»); Кавалер («Пахита»); Бозбала («Шопениана»); Красс, Спартак («Спартак»); Джеймс («Сильфида»); Вацлав, Хан Гирей, Краковяк-орталық («Бахчисарай бұрқағы»); Уәзір (бірінші орындалуы, «Махаббат туралы аңыз»); Граф Резанов («Юнона» және «Авось»); Паоло («Франческа да Римини»); Ишпак («Фрескалар»); Хозе (бірінші орындалуы, «Кармен-сюита»); Мавр Отелло («Павана Мавра»); Бірінші адам (бірінші орындалуы, «РЕ уақыты»); Притонның қожайыны (бірінші орындалуы, «Керемет Мандарин»); Балда («орыс ертегісі»); Капулетти-әкесі (бірінші орындалуы, «Ромео мен Джульетта» алғашқы қойылымы); Чекист («Қызыл Жизель»); Каренин («Анна Каренина» бірінші орындалуы); Кончак (бірінші орындалуы, «Князь Игорь» операсынан «Қыпшақтар тұрағы» сахнасы); Вакх («Фауст» операсынан «Вальпургия түні» сахнасы); Сыған биі («Камелиямен ханым»); салтанатты шеруде Солист («Аида» операсы); Адам (бірінші орындалуы, «Жанның кеңістігі»); Пьеро (бірінші орындалуы, «Маскалар театры»); Зевс (бірінші орындау, «Афинаның салтанаты»); Аспантай (бірінші орындалуы, «Тілеп және Сарықыз»); Патриарх (бірінші орындалуы, «Адам»); Суретші Сергей Калмыков (бірінші орындалуы, «Жанның метаморфозасы»).

1998-2010 – «Самұрық» Заманауи би театрының жетекші солисі. Репертуары: Патриарх («Жезтырнақ», Г. Адамованың хореографиясы), Смит мырза («Таз әнші», Н.Новикованың хореографиясы).

2006-2012 – Т.К. Жүргенов атындағы Қазақ ұлттық өнер академиясында аға оқытушы.

2012-2019 – Т.К. Жүргенов атындағы Қазақ ұлттық өнер академиясы хореография режиссурасы кафедрасының доценті.

2012-2022 – Т.К. Жүргенов атындағы Қазақ ұлттық өнер академиясы хореография факультетінің деканы.

2006-2020 – Құрманғазы атындағы Қазақ ұлттық консерваториясында иллюстратор-концертмейстері.

2012-2022 – Абай атындағы Қазақ ұлттық опера және балет театры балет труппасының педагог-репетиторы.

2023 – Т.К. Жүргенов атындағы Қазақ ұлттық өнер академиясының «Балетмейстер өнері» кафедрасының профессоры.

Халықаралық жобаларды өткізуге қатысты: классикалық би бойынша мастер-класс Корея ұлттық спорт университеті (Сеул, Оңтүстік Корея, 9-16 қараша 2015 ж.); классикалық би бойынша мастер-класс, Sangmyung Universiti (Сеул, Оңтүстік Корея, 11-14 қараша 2015 ж.); Ұлттық би академиясындағы «Эразмус+» сыртқы академиялық ұтқырлық шеңберінде классикалық және дуэтті-классикалық би бойынша шеберлік сыныптары (Рим, Италия, 20 Қаңтар-1 ақпан 2020 ж.).

Ғылыми еңбектердің авторы, оның ішінде жоғары оқу орындарының студенттеріне арналған баяндамалар, мақалалар; «Дуэтті-классикалық бидің негізгі түрлері» – «Основные виды поддержки дуэтно-классического танца» оқу-әдістемелік құралы (Алматы: КазНАИ им. Т. К. Жургенова, 2018), «Композиция дуэтно-классического танца» – «Дуэт-классикалық би құрамы» оқу-әдістемелік құралы (2023).

Марапаттары: ҚР Тәуелсіздігінің 20 жылдығына арналған мерейтойлық медаль (2011 ж.), Қазақстан халықтары Ассамблеясының «Бірлік» медалі (2020 ж.).

Библиография

• Дамир Уразымбетов «Первая фотовыставка Дмитрия Сушкова «Мгновения танца» Интернет-журнал Qazaq Ballet. 29 мая 2018г. Адрес URL: https://qazaqballet.kz/main_articles/pervaja-fotovystavka-dmitrija-sushkova-mgnovenija-tanca/ (дата обращения: 7 декабря 2021 г.).
• Абай атындағы ҚазҰОБТ мұрағатынан Владимир Акуленконың фотосуреттері.