МАСКАЛАР ТЕАТРЫ

Өмірбаяны

Бір актілі балет.

Композиторы - Франсис Пуленк. Либретто, хореография және қоюшы - Гүлжан Туткибаева, ЖХМ (Жоғары хореография мектебінде, қазіргі Т.Қ.Жүргенов атындағы Қазақ ұлттық өнер академиясының хореография факультеті) «Жан ғарышы» балетімен бірге дипломдық жұмыс. Қоюшы-суретші - Орынбасар Жаңбыршиев.

Премьерасы 2001 жылы 21 маусымда Абай атындағы Мемлекеттік академиялық опера және балет театрының сахнасында Гүлжан Туткибаеваның хореографиясындағы «Жан ғарышы» бір актілі және Вячеслав Гончаровтың хореографиясындағы «Ғажайып мандарин» балеттерімен бірге өтті.

Кейіпкерлер мен орындаушылар: Пьерро - Дмитрий Сушков; Коломбина - Гаухар Усина; Арлекин - Нұртаза Ғұмаров.

Спектакль өмірдің мәнін, жеке адам мен оны қоршаған әлемді қарсы қоюдың философиялық ой-толғауына айналды. Хореография заманауи элементтері бар неоклассицизмге негізделген.