Ж. ЕЛЕБЕКОВ АТЫНДАҒЫ РЕСПУБЛИКАЛЫҚ ЭСТРАДА ЖӘНЕ ЦИРК ӨНЕРІ КОЛЛЕДЖІ

Өмірбаяны

Екі жылдық білім беретін Республикалық эстрада және цирк өнері студиясы 1965 жылы Алматыда ашылды, онда эстрада мен цирк өнеріне кадрлар даярлау жүзеге асырылды. Бірінші директоры және шығармашылық жетекші болып, ҚазКСР халық әртісі, көркем сөз шебері Гүлжиһан Ғалиева тағайындалды.

Республикадағы бірінші және КСРО-дағы үшінші эстрадалық студияның қалыптасуы мен дамуының бастауында (бұған дейін тек Мәскеу мен Киевте) қазақ мәдениеті мен өнерінің танымал тұлғалары: Қазақстанның халық әртістері Ж.Елебеков, Ғ. Құрманғалиев, К. Кенжетаев, Ы. Ноғайбаев, Б. Қарабалина, П.Поторока, Б. Жылысбаев, Х. Тастанов, Ф. Балғаева, М. Хамзин, Г. Рутковская, З. Қойшыбаева, Н. Тілендиев. Хореография пәнінің педагогтары М. Н. Шатловский, М. П. Габель, Г. Б. Киякова, Р. С. Давлетьярова және хореографиялық өнердің басқа да шеберлері оқу орны мен оқытуды ұйымдастыруға үлкен үлес қосты. Колледжде белгілі қайраткерлер мен тамаша орындаушылар: Г.Талпакова, Т. Ізім, Г. Саитова, Г. Пшенбаева, А. Омарбекова хореографиялық білім алды.

1969 жылы Г. Ғалиеваның басшылығымен алғашқы түлектер қатарынан: республикадағы алғашқы «Гүлдер» жастар-эстрадалық ансамблі, «Гакку» (Қарағанды), «Торғай әуендері» (Арқалық), «Армандастар» (Целиноград) эстрадалық жастар ансамбльдері құрылды.

1992 жылы студияға училище мәртебесі мен Жүсіпбек Елебековтің есімі берілді. Оқу орны үш жылдық оқу мерзіміне көшті. 1995 жылы училище жаңа мәртебеге ие болды - көпсалалы оқытумен Ж. Елебеков атындағы Республикалық эстрада-цирк колледжі (хореографиялық өнер, цирк өнері, дәстүрлі өнер, эстрадалық өнер).