АБАКАЕВА Әсел Болатбекқызы
Өмірбаяны
(06.07.1979, Өскемен қ.) – балет әртісі, балетмейстер, педагог-репетитор.
1989-1997- А.В. Селезнев атындағы АХУ-ды «Балет әртісі» мамандығы бойынша бітірді, педагогтары: К.М. Жақыпова, Р.Е. Унгарова, Горская Г. Б., М.М. Тиранова.
1997-2001 – Т.Қ. Жүргенов атындағы Қазақ ұлттық өнер академиясы (ҚазҰӨА) бакалавриаты. «Педагог-хореограф» мамандығы бойынша білім алды; осы ЖОО-да 2011 жылы «Хореография» (хореография педагогикасы) мамандығы бойынша өнер магистрі дәрежесін алды.
1995-2002 – Паскалина Ноэльден Марта Грэм биі мен техникасын оқыды.
2002-2003 – Францияда Париждегі «Сentre International de danse Jazz R Rick Odums» кәсіптік білім беру институтында тағылымдамадан өтті, онда модерн би техникасын, классикалық биді, джаз-модернді, contemporary бағыттары бойынша білімін жетілдірді.
1996-2003 – «Алтынай» МХБА-нің әртісі.
2003-2010 – Samruk заманауи би театрының солисі; 2010-2015- апалы-сіңлілі Габбасовалар би театрының солисі (Gabassov Sisters company). «Аранхуэск концерті» («Аранхуэский концерт»), «Жезтырнақ», «Таз әнші» («Лысая певица»), «Күз» «Өрмекшілер», «Арғы жақта» («По ту сторону»), «Үш түсті» (хореографтардың бірі ретінде өнер көрсетті), «Махаббат Елесі» («Иллюзия любви»), «Сөзсіз», («Без слов»), «Қара» («Смотри»), «Сызықтар» («Линии»), «Кубада», «Біздің заманымыздың адамдары» және басқалар.
2003-2019 – Т.К. Жүргенов атындағы ҚазҰӨА аға оқытушы.
2003-2013 – А.В. Селезнев атындағы АХУ-да заманауи хореография пәнінің педагогы.
2014-2018 – Республикалық академиялық Неміс драма театрының режиссер-хореографы. «Рух. Жерде» («Рух. На земле», реж. Е. Нұртазин) ХХIV Республикалық драма театрлары фестивалінде «Драмалық спектакльдің үздік пластикалық шешімі үшін» дипломын жеңіп алды (Ақтөбе, 2016). «Үш апалы-сіңлілі» (Республикалық драма Неміс театры, 2010), «Алатау» дәстүрлі өнер театрындағы» «Жыр жолбарыс» (Жамбыл) (2018); «Astana musical театрында» «Шаңырақ» мюзиклі, (2019) спектакльдеріндегі пластикалық қойылымдардың авторы. Халықаралық балет әртістерінің байқауларына арнап, А.В. Селезнев АХУ студенттері үшін, «Танго», «А-сам-да» және т.б. хореографиялық композициялар қойды.
2020 жылдан бастап, Қазақ ұлттық хореография академиясының «Заманауи хореография» пәнінен сабақ береді, «Астана Балет» театрының педагог-репетиторы. Республикалық біліктілікті арттыру курстары шеңберінде Марта Грэм мектебінің модерн би техникасы бойынша шеберлік сабағын өткізеді.
Марапаттары: «Мәдениет саласының үздігі» (2021), «Ерен еңбегі үшін» медалі (2021).
Сілтемелер
Медиа галерея
АБАКАЕВА Әсел Болатбекқызы
АБАКАЕВА Әсел Болатбекқызы
АБАКАЕВА Әсел Болатбекқызы