АИДА-СЮИТА

Өмірбаяны

1 актілі балеттік опера.

Композитор - Джузеппе Верди. Либретто - Антонио Гисланцони. Либреттоны еркін өңдеуші, хореография және қойылымы Болат Аюханов.

Премьерасы 2021 жылдың 14 маусымында өтті. Спектакль Болат Аюхановтың басқаруындағы ҚР Мемлекеттік академиялық би театры үшін жасалды.

Кейіпкерлер мен орындаушылар: Перғауын, Мысыр Патшасы - Алтын Төлеев; Перғауынның қызы Амнерис - Айнұр Мұқашева; Радамес, сарай күзетінің бастығы - Халықаралық би ансамбльдері байқауының (Корея) лауреаты Мәди Қасымов; Амонасро, Эфиопия патшасы, Аиданың әкесі - Дәулет Ыбышев; Аида, эфиопиялық күң, Амонасроның қызы - Аида Жақсылықова; Альмея, Аиданың серігі - Жанар Көшербаева; Африка биі (солист) - Санжар Әміров.

Балет операсы перғауындар тұсында Мемфис пен Фивада болған оқиғаларды баяндайды. Мысырлықтар эфиопиялықтармен соғысуда. Радамес - Мысыр әскерінің қолбасшысы күң Аиданы жақсы көреді. Соғыс басталар алдында Радамес перғауыннан жеңіске жеткен жағдайда оған Аиданы беруін сұрайды. Бірақ Мысыр перғауынының қызы Амнерис ғашықтарды ажыратқысы келеді. Ол Аиданың эфиопиялық ханшайым екенін және Радаместің махаббаты үшін күресуге дайын екенін білмейді....