АЛЕКСИДЗЕ Георгий Дмитриевич

Өмірбаяны

(01.01.1940, Тбилиси қ. - 20.06.2008, Тбилиси қ.) - балетмейстер, педагог. Грузин КСР Халық әртісі (1989).

1960 - Мәскеу хореография училищесін А.Мессерер сыныбы бойынша бітірді.

1966 - Ленинград консерваториясының балетмейстер бөлімін, Ф. Лопуховтың шеберханасында бітірген.

1961-1962 - Палиашвили атындағы Грузия опера және балет театрының труппасында биледі. («Доктор Айболиттегі» Ванечка, «Аққу көліндегі» Неаполитандық би, «Бекер сақтық», ««Тщетной предосторожности») Pa-de-deuх).

1966 - балет миниатюралары бағдарламасымен (дипломдық жұмыс) Ленинград филармониясының сахнасында хореограф ретінде дебюті өтті. Әр кезеңдерде Палиашвили атындағы театрдың бас балетмейстері; Пермь театрының бас балетмейстері болып жұмыс істеді.

1967-1973, 1981-1985 - Ленинград консерваториясының балетмейстер бөлімінің педагогы.

Көптеген камералық хореографиялық шығармалар мен бір актілі балеттердің авторы: «Орестея» (1968), «Скиф сюитасы» (1969), «Перілердің сүйісі» («Поцелуй феи», 1970), «Сван аңызы» («Дали және аңшы»; «Сванская легенда» («Дали и охотник»), С. Цинцадзе, «Медея» Р. Габичвадзе (1978), «Золушка» (1980); «Моцартиана», «Дамис сынағы, немесе қызметші бойжеткен-ханым» («Испытание Дамиса, или Барышня-служанка»,), «Адасқан ұл» («Блудный сын», 1981); «Сильвия» (1982). Вильнюс, Таллин, Ереван, Алматы театрларының сахналарында балеттер қойған.

Абай атындағы МАОБТ-да. Г. Алексидзе екі балет қойылымын жүзеге асырды: Хосе Лимонның «Маврдың Павансы» балетін («Павана мавра», 1990) көшіріп, Ғ.Жұбанованың музыкасына «Қарагөз» авторлық ұлттық балетін қойды, балетке либреттоны Ә. Мамбетов хореографпен бірлесіп жазған (1990).