"АҚКЕРБЕЗ" БИ АНСАМБЛІ

Өмірбаяны

Ансамбль Жамбыл облысы мәдениет, архивтер және құжаттама басқармасының «К. Азербаев ат. Жамбыл областық филармониясы» КМҚК жанына 2012 жылы құрылған. Негізін қалаушы және бірінші басшысы Айжан Нұрманалиева болып табылады, 2013 жылдың қараша айынан бастап ансамбльді А. С. Қонарбаева басқарады.

Ансамбль репертуарында қазақ халық билері мен әлем халықтарының билері бар. Ансамбль Г.Орынбаева, Б. Сазабеков, М. Ағабылов, М. Айтмағанбетова сынды хореографтармен ынтымақтастықта жұмыс атқарып отыр.

2017 жылы анамбль Үндістанда гастрольдік сапарларда сәтті өнер көрсетті (Дели, Порт-Блэр, Шиллонгаралы, Гувахати); 2019 жылы шейх Заид атындағы Әбу-Дабиде өткен Халықаралық мәдени фестивальге қатысты. (БАӘ); «Хабар» телеарнасының «Жеті Қазына» телевизиялық мега-жобасының қатысушысы (2022).

Марапаттары: ІІІ «Халық биі» номинациясы бойынша ІІІ, ІХ облыстық жастарДельфий ойындарында І орын (2012, 2013); «Буран бел» республикалық би байқауының ІІІ сыйлығы (2013); этнограф-ғалым Ө. Ж. Жәнібековтың 90 жылдығына арналған «Алтынай» I республикалық байқауында ІІІ орын (Талдықорған, 2021); «Дала-Ғұмыр қойылымымен А. Қонарбаева І республикалық «Қамажай» хореографтар байқауының дипломанты болды (2022); ансамбль солисі Қасымбек Гүлнұр «Лязги» халықаралық би фестивалінің I дәрежелі лауреаты атанды (Хива, Өзбекстан, 2022); «Жеті Қазына» телевизиялық мега-жобасының Гран-приі («Хабар» АҚ телеарнасы, 2022); ансамбль солисі АйгүлНұрымова «NomadAwards 2022» I Халықаралық байқауына қатысып, «Профи» санатында I дәрежелі лауреат атанды (2022).