DIVERSITY

Өмірбаяны

Бір актілі балет.

Композиторлар - Вольфганг Амадей Моцарт, Пьетро Масканьи, Людвиг Минкус, Жюль Массне, Александр Глазунов, Антонио Вивальди, Сергей Рахманинов, Шарль Гуно, Камиль Сен Санс, Макс Брух. Идея, хореография және қойылымы - Рикардо Амаранте. Сценография және костюмдер - Рене Салазар.

Премьерасы 2016 жылдың 10 желтоқсанында өтті. Балет «Астана Балет» театрының труппасына арналған.

Орындаушылар: солисттер және балет артистері.

Спектакль Ренессанстың бай, салтанатты және көркем биінің суретімен ашылып, неоклассиканың жеңілдігі мен еркіндігін көрсететін хореографиямен аяқталады.

Хореограф көрермендерге балет өнерінің пайда болғанынан бүгінгі күнге дейінгі әдемі әлеміне ретроспективті саяхат жасау мүмкіндігін ұсынады. Бірнеше ғасырлар бойы бұл мәңгі жас және әдемі өнерде көп нәрсе өзгерді: музыка, пластика, костюмдер, бейнелер. Балет өмірдің өзі сияқты өзгерді: адамдар, әдептілік, мінез-құлық . Адамдарда сұлулыққа деген құштарлық өзгеріссіз қалады, ал балет бұл қажеттіліктің орынын толтырады.