ЕГИПЕТ ТҮНДЕРІ

25.10.2023 | Автор: Мусинова А.А.

Өмірбаяны

Бір актілі балет.

Композитор - Антон Аренский, шығарманың негізінде Теофиль Готьенің «Клеопатра түні» новелласы бойынша «Египет түндері» Nuit d’Egypte, op. 50. Либретто - Заурбек Райбаев, Михаил Фокиннің либреттосы бойынша. Хореография және қойылымы - Заурбек Райбаев. Қоюшы-суретші - Орынбасар Жаңбыршиев. Қоюшы-дирижер - Валерий Руттер.

Премьерасы 1994 жылы 27 наурызда Абай атындағы Мемлекеттік академиялық опера және балет театры сахнасында Зауырбек Райбаев хореографиясындағы «Бір актілі балет кешінде» өтті.

Кейіпкерлер мен орындаушылар: Клеопатра - Гүлжан Туткибаева, Майра Тукеева; Антоний - Мұрат Тукеев; Екі жүзді Янус - Наталья Ликучёва; Испан-мавритандық би - Әсел Мусинова, Тұрсынбек Нұрқалиев, Любовь Макарцева.

Оқиға біздің дәуірімізге дейінгі I ғасырда Египетте өтеді. Сюжеттің ортасында өзінің керемет сұлулығымен ер адамдарды жаулап алатын Мысыр патшайымы Клеопатраның махаббат хикаясы.

Сілтемелер

Энтелис Л.А. Композитор Аренский. – Сайт Русское кино – Адрес URL: https://www.russkoekino.ru/theatre/ballet-0004.shtml (дата обращения 04.12.2022)