ЕРКІМБЕКОВ Серік Жексембекұлы

Өмірбаяны

(03.04.1958, Алматы қ.)-қазақстандық композитор, орындаушы. Қазақстан Республикасының еңбек сіңірген өнер қайраткері (1996), Қазақстан Композиторлар Одағының Басқарма Төрағасы (1998-2007), профессор (2007).

1965-1976 - К. Байсейітова ат. балаларға арналған республикалық мамандандырылған музыка мектебінің оқушысы;

1981 - Құрманғазы ат. Алматы мемлекеттік консерваториясының теориялық-композиторлық факультетін «Композиция» мамандығы бойынша бітірген;

1999-2003 - Құрманғазы ат. Алматы мемлекеттік концерваториясының«Композиция және Опера-симфониялық дирижерлеу» кафедрасының меңгерушісі;

2005-2015 - «Композиция және симфониялық-операны дирижерлеу кафедрасының меңгерушісі», Қазақ ұлттық өнер университетінің 1-ші проректоры;

2016-2018 - «Қазақконцерт» МКБ-нің көркемдік жетекшісі. 2018-2022 -«Қазақконцерт» МКБ директорының кеңесшісі.

«Мәңгілік алау» балетінің авторы. Премьерасы 1985 жылы Абай ат. МАОБТ сахнасында өтті (М. Тілеубаевтың хореографиясы, Д. Накиповтың либреттосы). 2010 жылы К. Байсейітов ат. (Астана) опера және балет театрындажаңа музыкалық редакциясында «Мәңгілік алау» балетін С.Еркімбековтің және балетмейстер В. Гончаров пен қоюшы-суретші В. Окуневтің шығармашылық тандемінде қайта іске асырды. З.Райбаевтың қойылымында «Шолпы», А. Құлбекованың қойылымында «Гауһар білезік», М. Тілеубаевтың қойылымында «Тас-аруақ» хореографиялық нөмірлеріне музыка жазды.

С. Еркімбеков әр түрлі формадағы көптеген музыкалық шығармалардың авторы: симфониялық оркестрмен фортепианоға арналған концерт, симфония («Шәкәрім») (2010, жаңа редакциясында 2015); «Мұнара» симфониялық картинасы (2000); скрипка мен оркестрге арналған оркестрлік аллегро, «Сізарманыңыздағы үй» мюзиклі («Дом твоей мечты», 2011); «Тұзды көл жағасындағы үй»«Дом у соленого озера» фильмдері (2011), «Андрей Первозванный ордені» (2000), «Қазына» сериялының музыкасы (2014) және драмалық«Дананың мұңы», «Анасын аңсаған қыз», «Скифтің құмарлығы», «Миғұла терісі үстіндегі сот», «Күйші Дина» және т. б. спектакльдерге музыка жазды. Еуропа, Орталық Азия, АҚШ, Ресей концерттік сахналарында симфониялық және камералық оркестрлермен өнер көрсетті.