МАНСКАЯ Инесса Ивановна

Өмірбаяны

15.08.1928 ж., Алматы қ. – 31.12.2017 ж., Алматы қ.

Балеттің жетекші солисі, педагог. ҚазКСР еңбек сіңірген әртісі (1958 ж.), «Құрмет Белгісі» орденінің иегері (1959 ж.), ҚазКСР Халық әртісі (1984 ж.).

1936-1945 жылдары № 54 жалпы білім беретін мектепте оқыды.

1938-1946 жылдары қазақ хореографиялық училищесінде оқыған, педагогы А.Селезнев.

1945-1965 – Абай атындағы Мемлекеттік академиялық опера және балет театрының балет солисі, жетекші солисі. Балеринаның репертуарында Зарема («Бақшасарай бұрқағы»), Одетта-Одиллия («Аққу көлі»), Қарабос перісі («Ұйқыдағы ару»), Мирта («Жизель»), Алтынай («Жоңғар қақпасы»), Алтынай («Достық жолы»), Раймонда («Раймонда»), Көше бишісі («Дон Кихот»), Наташа («Бақыт жағалауы»), Эсмеральда, Гудула («Эсмеральда»), солист орындаушы («Болеро») және басқалар.

1964 – Б. Аюхановпен бірге ұйымдастырған «Екі актер театрында» өнер көрсетеді, онда орыс, кеңес және батыс композиторларының музыкасына хореографиялық көріністер мен миниатюралар дүниеге келді. «Екі актер театры» камералық балет театрының шығармашылық принциптерін қалыптастырды, олар кейін құрылған «Алматының жас балеті» ансамблінің негізін қалады. «Екі актер театры» бағдарламаларының басым бөлігі жас ұжымның репертуарына енді.

Орындаушылық қызметін аяқтағаннан кейін оқытушылық қызметке ауысты.

1965-1978 – «Алматының жас балеті» ансамблінде педагог-хореограф.

1980-1992 – Абай атындағы МАОБТ педагог-репетитор, балет труппасының көркемдік жетекшісі.

1994 -2017 – «Салтанат» мемлекеттік би ансамблінің педагог-хореографы.

Марапаттары: «Құрмет Белгісі» ордені (1959), «Астана» медалі (2000 ж.), «Еңбек сіңіргені үшін» медалі - «Ерен еңбегі үшін» медалі (2011 ж.), «Еңбек ардагері» медалі (2015 ж.).

Библиография

• Абай атындағы ҚазҰОБТ мұрағатынан Инесса Ивановна Манскаяның жеке ісі.
• Ә.А. Мусинованың Инесса Манскаямен әңгімелесу 2010 ж.
• Сарынова Л. П. Манская Инесса Ивановна. Балетное искусство Казахстана – Алма-Ата: «Наука» КазССР, 1976. – С. 166 –167.

Сілтемелер

2.Галия Шимырбаева. «Танцевать в полноги «Салтанат» не с руки» Казахстанская правда» 19 марта 2021г. АдресURL: https://www.kazpravda.kz/fresh/view/tantsevat-v-polnogi--saltanat-ne-s-ruki (дата обращения: 9 октября 2021).