"ДӘСТҮР ЖҮЛДЕСІ" ХАЛЫҚАРАЛЫҚ КЛАССИКАЛЫҚ БИ ФЕСТИВАЛІ

Өмірбаяны

Құрылтайшысы: Еуразиялық мәдениет Қоры. Бас директоры - белгілі композитор, қоғам қайраткері, меценат Ерұлан Қанапьянов. Әкімшілік директоры - Елена Парфентьева. Шығармашылық бағдарламалар директоры - Данара Мұсахан. Бірінші іс-шара 1995 жылы Алматы қаласында өтті.

Мақсаты: Қазақстандағы хореографиялық өнерді дамыту, әлемдік балет қайраткерлерімен, педагогтермен және хореографтармен тікелей шығармашылық байланыстарды кеңейту, сондай-ақ Қазақстанның жалпыадамзаттық құндылықтар кеңістігіне ұмтылысы.

Барлығы сегіз фестиваль болды: 1995, 1996, 1997, 1998, 1999, 2000, 2001, 2003, 2005 жж.

I «Дәстүр жүлдесі» фестивалінің лауреаттары (1995): Галина Уланова, Юрий Григорович. II фестиваль лауреаттары (1996): Вадим Писарев, Юрий Васюченко. Диплом иегерлері: Лейла Альпиева, Стефан Даль, Юмико Такешима. III фестивальдің лауреаты (1997): Майя Плисецкая. Фестиваль шаралары Алматыда және Қазақстанның басқа қалаларында өтті. IV фестиваль (1998 ж.) екі қалада (Алматы және Астана) өтті және В.Васильев пен Е.Максимованың бастамасымен Галина Уланованы еске алу ретінде «Улановаға арнау» деп аталды. V фестивальге Қазақстанда алғаш рет «Сан-Франциско балет» труппасы, сондай-ақ Мариин театрының прима-балеринасы Алтынай Асылмұратова қатысты (1999-2000). 2000 жылы Арал теңізінің экологиялық апаты тақырыбына арналған «Тақыр» рок-опера-балеті көрсетілді. (музыкасы - Е.Қанапьянов, Н.Құлсариев, хореограф. - Г.Адамова). Премьералары Алматы мен Астанада өтті.

VI фестиваль аясында (2001 ж.) көктемгі және күзгі екі бағдарлама ұсынылды, біріншісі Мадридтен (Испания) Фламенко театрының қатысуымен өтті және испан биін үздік орындау үшін кәсіби топтар арасында байқау бағдарламаға да енгізілді. Екінші кезеңде Императорлық Орыс Балетінің қойылымы болды.

VII фестивальдің екі кезеңін (2003 ж.) алдымен Лос-Анджелестен (АҚШ) келген «Степ-данс» ансамблі ұсынды, содан кейін Астанадағы Ресейлік балет жұлдыздарының гала-концерті және «Жизель» пьесасының премьерасы Ресей Үлкен театрының жетекші солистерінің қатысуымен К.Байсейітова атындағы Ұлттық опера және балет театрында өтті.

VIII фестиваль (2005 ж.) Алматы және Астана қалаларында өтті. Онда Қ.Байсейітова атындағы Ұлттық опера және балет театры сахнасында Классикалық балеттер кеші, «Дон Кихот» спектаклі, Абай атындағы Мемлекеттік академиялық опера және балет театры сахнасында гала-концерт өтті.

Осы жылдар ішіндегі фестивальде М.Плисецкая, В.Васильев, Е.Максимова, А.Асылмұратова, Н.Семизорова, М.Лавровский, С.Филин, В.Писарев, В.Малахов, У.Лопаткина, Г.Степаненко және қазақ балет өнерінің майталмандары: Б.Смағұлов, Г.Туткибаева, М.Тукеев, Л. Альпиева, С.Кауков сынды әртістер өз шығармашылығын көрерменге паш етті.

«Дәстүр жүлдесі» фестивальдерінің қорытындысы бойынша төрт толықметражды фильм түсірілді: Г.Уланова мен Ю.Григоровичтің қатысуымен «Жұлдыздар» (1995), республикалық теледидармен бірлесіп «Балет жұлдыздарының фестивалі» (1996), ҚР Президентінің Телерадиокомпаниясымен бірге «Дни с Плисецкой» (1997), «Хабар» Агенттігімен бірлескен «Мая Плисецкаямен концерт» (1997).