МУСИН Ринат Ильтаевич

Өмірбаяны

МУСИН Ринат Ильтаевич (25.11.1961 ж., Қарағанды қ.) - балет әртісі, педагог. Қазақстанның еңбек сіңірген әртісі (1996 ж.), «Құрмет» орденінің иегері (2001 ж.).

1975-1980 - А.В.Селезнев атындағы Алматы хореографиялық училищесінде «Халық би ансамблінің әртісі» мамандығы бойынша педагогтар: Л. М.Таганов, И. К. Олзоевадан білім алған;

1985-1990 - А. В. Луначарский атындағы Мемлекеттік театр өнері институтының педагогика факультетінде «Хореография өнері» мамандығы бойынша педагогтары: Г. Н. Прибылов, Т. С. Ткаченко, А. А. Богатыревтердеоқыған. Мәскеу мемлекеттік хореография академиясын бітірді;

2014 - А.Я.Ваганова атндағы Орыс балет академиясында біліктілікті арттыру курстарынан өтті (Санкт-Петербург, 2015).

1980-2012-Қазақстан Республикасы Мемлекеттік академиялық би театры балетінің жетекші солисі. Б.Ғ.Аюхановтың қойылымдарында жеке партияларды орындады: Төлеген («Қыз Жібек», Е. Брусиловский), Хосе («Кармен-сюита», Ж. Бизе - Р. Щедрин), Соло («Болеро», М. Равель), Клавдий («Гамлет», А. Исакова), Онегин («Татьяна Ларина», П. Чайковский-М. Плетнев), Онегин («Евгений Онегин», П. Чайковский), Мәңгүрт («Манкурт», Н. Закиров), Бахус («Вальпургия түні», музыкасы Ш.Гуно, Ю.Ковалевтің хореографиясы, жаңарту - Б.Аюханов), Ротбарт («Аққу көлі» П.Чайковский), Бұзақы «Жас ханым мен бұзақы», («Барышня и Хулиган», Д.Шостакович), Хосе («Кіріспе және Рондо-капричиозо», К. Сен-Санс), Жауынгер (соло) («Шыңғыс Хан», М.Иржанова), Қозы Көрпеш («Қозы Көрпеш - Баян Сұлу», Е.Брусиловский), Свидригайлов («Қылмыс пен жаза», («Преступление и наказание», Д.Шостакович), Хосе, Тореодор («Севильядағы мереке», «Праздник в Севилье», Ж.Бизе), Фархад «Жеті сұлу» («Семь красавиц», К.Қараев), Бозбала («Солнечный Казахстан биі», музыкасы Е.Брусиловский), Роза «Раушан туралы поэма», («Поэма о розах», (Адажиетто) Г. Малера (5-ші симфония) және т. б.

1990-2001 - Қазақстан Республикасы Мемлекеттік академиялық балет театрының педагог-репетиторы;

2001-2005 - Измир қаласындағы (Түркия) опера және балет театрының жетекші педагог-балетмейстері, педагог-репетиторы;

2005-2012 - Қазақстан Республикасы Мемлекеттік академиялық балет театрының педагог-репетиторы;

2012-2016 - Т.Жүргенов атындағы Қазақ ұлттық өнер академиясы «Хореография» факультетінің деканы;

2016 жылдан - Қазақ ұлттық хореография академиясы «Хореография режиссурасы», «Балетмейстер өнері» кафедрасының доценті.

2014 жылы - Ла Скала театрындағы хореография академиясында (Милан қ.) классикалық би бойынша шеберлік сабағын өткізді.

Марапаттары: «Көрермен көзайымы сыйлығы» номинациясы бойынша» Майя-1996 халықаралық байқауының лауреаты (Санкт-Петербург қ., 1996 ж.).

Библиография

• Б.Аюханов. «Мой балет» - Алма-Ата: Өнер, 1988
• Хореографы Казахстана (иллюстрированный информационный справочник (1934-2012 гг.) под общ. ред. Д.Т.Накипова. – Алматы, 2012
• Интервью июнь 2021