ОМАРБЕКОВА Алтынбүбе Сейсекеевна

Өмірбаяны

(04.09.1951 ж., Жаңасемей ауданы, Семей облысы) - биші. ҚР еңбек сіңірген қайраткері (2003 ж.).

1969ж. - Республикалық эстрада-цирк студиясын бітірген , педагогтары: Г.Г.Галиева, М.П.Габель, Д.Б.Қиякова мен Г.Б.Қиякова.

Ол Санкт-Петербург гуманитарлық мәдениет университетінде (бұрынғы жоғары кәсіподақ мәдениет мектебі) оқыды.

А. Омарбекованың шығармашылық қызметі көптеген жылдар бойы мемлекеттік «Гүлдер» жастар-эстрадалық ансамблімен тығыз байланысты болды:

1969-1975 - «Гүлдер» ансамблінің балет әртісі (1973-1975 - солист).

1976-1978 - «Қазақконцерт» гастрольдік-концерттік бірлестігінің әртісі; 1978-1993 - «Гүлдер» ансамблінің әртісі,

1993-1995 - ансамбльдің педагог-репетиторы,

1995-1998-ансамбльдің балетмейстері,

2003-2006-ансамбльдің бас балетмейстері және көркемдік жетекшісі.

«Гүлдер» ансамблінің репертуарындағы Д.Б.Киякова қойған «Домбыра», «Үнді биі», «Хорезм биі», «Сиртаки» билерінің алғашқы орындаушысы. «Бирма биі», «Пәкістан биі», (КСРО Халық әртісі Г.Б.Измайылованың қойылымы), «Бозінген» және «Ана әні» (Ж.К.Байдаралиннің қойылымы), «Самба» (В.А.Манохиннің қойылымы) билерінде жеке партияларды орындады. А.Омарбекованың биі әртістік шеберлігімен, темпераментімен, орындау техникасымен ерекшеленді.

1998-2003 - «Алтынбуби» би ансамблінің негізін қалаушы.

2006-2011 жылдары - ансамбль директоры және көркемдік жетекшісі. «Айналайын», «Бозторғай», «Шабыт» республикалық, Сан-Ремодағы (Италия) халықаралық балалар шығармашылығы конкурстар мен фестивальдердің қазылар алқасының мүшесі.

Гастрольдік сапармен «Гүлдер» ансамблі құрамында әлемнің көптеген елдерінің сахналарында өнер көрсетті. «Алтынбуби» ансамблінің басшысы ретінде алыс және жақын шетелдерге гастрольдік сапармен барды.

Марапаттары: КСРО Мәдениет министрлігінің Алғыс хаты (1973 ж.); «ҚР Тәуелсіздігінің 10 жылдығы» медалі (2001 ж.); «ҚР Парламентінің 10 жылдығы» медалі (2006 ж.).