"ЖОРҒА" БИ АНСАМБЛІ

Өмірбаяны

Ансамбль 2014 жылы Маңғыстау облысының мәдениет, мұрағаттар және құжаттама басқармасы «Мұрат Өскінбаев ат. Маңғыстау облыстық филармониясы» МКҚК-да ұйымдастырылды. Ансамбльдің негізін қалаушы - ҚР Мәдениет үздігі С. М. Сариев, жетекшісі-А. Ж. Сариева.

Ансамбль репертуарында хореографиялық, вокалдық-хореографиялық композициялар, сюжеттік билер, қазақ би мұрасы және әлем халықтарының билері бар.

Ұжым жақын және алыс шет елдердегі Қазақстан мәдени күндерінің қатысушысы болып табылады, Әзірбайжан (Шеки), Австрия (Вена), Түркия (Стамбул), БАӘ (Абу-Даби), Венгрия (Будапешт), Хорватия (Загреб), Босния және Герцеговина (Тузла, Сараево), Сербияда (Краугуева) гастрольдік турлармен өнер көрсетті және т.б. халықаралық фестивальдерге қатысты: «Аваза» (Түрікменстан, 2015), «Түркі әлемі» (Түркия, 2019, 2022), «Келес 2022» (Түркия, 2022).

Ансамбль «Буран бел» республикалық би байқауының II сыйлығының лауреаты (Шымкент, 2014); Дельфий ойындарының алтын медалінің иегері (Орал, 2014); «Кавказдың би шоуы - Достық биі» халықаралық байқауының II сыйлығының лауреаты (Владикавказ, Ресей, 2015); Нұрсұлу Тапалова ат. «Бидің нұры-Нұрсұлу» республикалық байқаудың III сыйлығының лауреаты (Ақтөбе, 2016); «Burabay Summer Fest» халықаралық фестивалінің III сыйлығының лауреаты (Көкшетау, 2016); «Ош 2019» Халықаралық халық би байқауының Гран-При иегері (Қырғызстан, 2019), «Инегул» Дүниежүзілік халық би байқауының III сыйлығының лауреаты (Бурса қ., Түркия, 2022); «Dance super star» Халықаралық байқауының Гран-При иегері (Ереван, Армения, 2022).